ინტერნეტ ტელევიზია - ქართველი ემიგრანტებისთვის

შენ თვალებიდან აპრილი გცვივა

image
შენ თვალებიდან აპრილი გცვივა,
იღვიძებს დილა რძისფერი კაბით,
წელმოწყვეტილი იები მტკივა,
შენ მაპატიე, თუ შემიყვარდი.

წუხელის წვიმამ დატბორა გზები,
და აჩრდილივით გეძებდი ქარში,
შენ თვალებიდან გცვივა იები,
და გაზაფხული გიფეთქავს ტანში.

იასამნებად გეტყობა წლები,
დამაქვს ზღვისფერი შენი სურვილი,
მინდა გიყურო შორიდან გზნებით,
მინდა მოვიკლა ასე წყურვილი.

  მინდა გაფრენა ოცნების ფრთებით,
მარტმა ფიქრები ისევ არია,
მიყვარხარ-ამას ნუ მეკითხები,
თუ გინდა გეტყვი, გეტყვი ძალიან...
           
მამა პეტრე კოლხი
  • 0
  • 756

კომენტარის დამატება

კოდის განახლება
პოპულალური
Image
საინტერესოა
ყველას ნახვა
საზოგადოება
Image